Со големата победа на Вардар од 1:2 над Кочани во дербито од дното на табелата заврши есенската полусезона во Првата женска фудбалска лига.
Дебитантот стигна до многу важен триумф, а благодарение на двата гола на Мила Наумовска, која ги обезбеди трите бодови за својот тим.
Наумовска во 32. минута погоди за 0:1 и предност на Вардар, но по осум минути Боби Величков досуди пенал за домашниот тим, а сигурен реализатор од белата точка беше искусната Катерина Милеска.
Со по еден гол во мрежата (1:1) се замина на полувреме, а во вториот дел двете екипи тргнаа резултатски израмнети.
Се играше 68. минута од мечот на Градскиот стадион кога 18-годишната Наумовска со втор гол ја совлада Христина Гоговска за ново водство на Вардар од 1:2, а голманката на домашниот тим немаше избор освен да ја извади топката од својата мрежа.
До крајот на мечот девојките на Теодора Димитровска беа цврсти во одбраната не му дозволија на противникот да изгради шанса за да го загрози по вторпат голот на Халиме Имери.
Во однос на самата табела Кочани останува на дното со четири бодови, а пак Вардар е осми со осум бодови и прави „мало бегство“ од опасната зона со четири бодови предност, во бараж зоната односно на деветтото место е Топ Гол исто така со четири бодови.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК СКОПЈЕ 2014 | 14 | 13 | 0 | 1 | 39 | 5 | +34 | 39 |
| 2 | ЖФК ЉУБОТЕН | 14 | 12 | 1 | 1 | 61 | 7 | +54 | 37 |
| 3 | ЖФК ТИВЕРИЈА БРЕРА АД | 14 | 9 | 0 | 5 | 27 | 17 | +10 | 27 |
| 4 | ЖФК СЦ ИСТАТОВ 2015 Скопје | 14 | 8 | 2 | 4 | 36 | 17 | +19 | 26 |
| 5 | ФК АСС УНИТЕД/ЖФК | 14 | 8 | 2 | 4 | 35 | 18 | +17 | 26 |
| 6 | ЖФК КАМЕНИЦА САСА | 14 | 8 | 0 | 6 | 40 | 14 | +26 | 24 |
| 7 | ЖФК РЕЧИЦА | 14 | 3 | 1 | 10 | 19 | 45 | -26 | 10 |
| 8 | ЖФК Вардар 2023 | 14 | 2 | 2 | 10 | 7 | 59 | -52 | 8 |
| 9 | ФК ТОП ГОЛ/ЖФК | 14 | 1 | 1 | 12 | 9 | 32 | -23 | 4 |
| 10 | ЖФК КОЧАНИ | 14 | 1 | 1 | 12 | 8 | 67 | -59 | 4 |
