Седмата рунда од Трета лига – Југозапад беше отворена вчера со воведниот меч меѓу Велешта и Преспа, кој заврши со минимална победа за гостинот од Ресен, откако натпреварот го реши Неџми Реџепи во 51. минута.
Со овој триумф Преспа останува лидер на табелата со 16 бодови на своето конто и игра допадлив фудбал и сака да притиска до крај да го сочува врвот за да стигне до бараж за евентуален влез во Втора лига.
Колото ќе се комплетира денес Евротип на домашен терен ќе игра против Сатеска од Волино, а на овој меч Преспа ќе се надева на „кикс“ на битолчани со цел да остане на врвот со три бодови предност.
Ланскиот второлигаш Караорман ќе игра против ланскиот шампион Кораби кој не го помина баражот за Втора лига, Славеј во Мешеишта го чека Демир Хисар, Кравари против Светлост, а пак Влазними ќе игра против Света Троица од Охрид, меч кој се игра во Струга.
