Македонската А фудбалска репрезентација направи скок од три места на најновата ФИФА ранг листа и сега се наоѓа на 69. место. Ваквиот скок од три места се должи на победата на нашата репрезентација над Летонија во Рига од 0:3 и над Ерменија во Ереван од 0:2 во рамки на Лигата на нации.
Од регионот пред над се Албанија која со скок од две места е на 65. место, Грција има скок од шест места за 42. место, Србија е на 33. место, а пак Хрватска останува најдобра односно на 12. место.
Зад Македонија се Босна и Херцеговина како 74-то пласирана, Црна Гора е на 75. место, потоа следува Бугарија која има пад од три места и е на 84. место, како и Косово кој има скок од три места и се наоѓа на 101. место
Пред македонската репрезентација предводена од селекторот Благоја Милевски се два натпревари во Лигата на нации, кои ги играме на домашен терен против Летонија и Фарски Острови, натпревари преку кои треба да го потврдиме првото место во групата.
