Ален Рустемовски, член на боксерскиот клуб „Пелистерски јунак“ од Битола, се закити со сребрен медал на Европското првенство за млади сениори до 23 години, кое се одржа во Ереван, Ерменија.
Нашиот млад боксер имаше одличен настап низ целиот турнир, покажувајќи исклучителна физичка подготвеност, техничко знаење и тактичка зрелост. Со убедливи победи во претходните рунди, Рустемовски заслужено стигна до финалето, каде го очекуваше искусниот руски боксер Лурли Аветијан.
И покрај тоа што не стигна до златото, Рустемовски со својата борба остави одличен впечаток, потврдувајќи дека е меѓу најперспективните боксери во својата категорија во Европа. Ова сребро е огромен успех за македонскиот бокс, но и поттик за Ален и неговиот клуб да продолжат уште посилно кон нови меѓународни успеси.
