Ракометарите на Охрид ја одржаа својата победничка серија и на домашен терен, убедливо го победија тимот на Пролет со 30-20 (13-11). Првото полувреме беше изедначено, но вториот дел „гладијаторите“ го одиграа доминантно и брзо ја зголемија предноста до убедливи десет гола. Со овој триумф, Охрид ја зацврсти позицијата на четвртото место на табелата, додека Пролет падна на осмата позиција, со бод заостанување зад Еурофарм Пелистер 2.
По натпреварот, Томислав Јагуриноски ги сподели своите впечатоци, истакнувајќи дека противникот бил сериозен, а тимот морал да се корегира за конечниот резултат:
,,Се разбира дека денес противникот беше добар, секој противник во македонската лига е добар и не може лесно да се добие. Во првото полувреме ние промашивме, да кажам, доста зицери, имавме технички грешки, па можеби затоа и резултатот беше таков..но во второто полувреме се корегиравме, беше подобро и на крајот натпреварот заврши како што заврши.”- изјави Јагуриноски.
Со оваа победа, Охрид продолжува да ја потврдува формата и да го гради својот пат кон врвот на лигата.
