Беласица ја доби дерби-пресметката на Истокот против Брегалница, славејќи со минимални 0-1 на гостувањето во Штип. Натпреварот, одигран на Градскиот стадион, донесе многу возбудувања и борба до последниот свиреж, а единствениот погодок го постигна Костадин Капсаров во 81. минута, во рамки на 12. коло на Втората лига.
Брегалница имаше идеална шанса за водство, но Ристе Темелков не успеа да реализира пенал, испраќајќи ја топката високо над голот. Таа промашена прилика се покажа како клучна, бидејќи Беласица ја казни грешката и ги освои сите три бода. За штипјани ова беше прв сезонски пораз, додека струмичани со овој триумф направија голем чекор во битката за врвот и влез во Првата лига.
Во Гевгелија, натпреварот меѓу Кожуф и Осогово заврши без голови (0-0), додека во Охрид, на „Билјанини Извори“, домашниот тим славеше со 1-0 над Скопје благодарение на погодокот на Иван Глигоров во 17. минута, во дербито на две екипи кои водат битка за влез во Прва лига.
Лидерот Шкендија Арачиново тешко стигна до победата на гостувањето кај Вардар Неготино. Иако домаќините поведоа преку Мартин Младеновиќ во 70. минута, гостите направија пресврт – Дарио Десниќ израмни во 79. минута, а Љупчо Трпески во судиското продолжение (95’) донесе победа од 1-2 за тимот од Арачиново.
Екипата на Тетекс со голот на Азис Јамини во 38. минута минимално славеше над Победа (1-0), додека Новaци убедливо ја совлада Слога Виница со 4-0, благодарение на хет-трик на Стефан Јовановски и погодокот на Петар Љамчевски.
Во Македонска Каменица, Саса и Детонит Плачковица одиграа возбудливи 2-2. Домаќините водеа со два гола предност преку Тони Митковски (51’) и Андреј Симевски (80’), но гостите се вратија со головите на Валентин Блажевски (88’) и Сашо Дуков (97’), за вредно реми на крајот. Саса од 55. минута играше со играч помалку по исклучувањето на Бурим Алији.
Во Ресен, Преспа со резултат 4-2 славеше над Големо Коњари. Амир Фејзулаи, кој го отвори резултатот, а потоа следеа голови на Нико Платиновски, Елмас Емуш и Неџми Реџепи. За гостите стрелци беа Беким Алимоски и Ерџан Ибраимовски.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЗФК Шкендија Арачиново 77 | 12 | 10 | 2 | 0 | 22 | 6 | +16 | 32 |
| 2 | ФК Брегалница 2008 АД | 12 | 8 | 3 | 1 | 25 | 7 | +18 | 27 |
| 3 | ГФК Охрид Лихнидос | 12 | 8 | 3 | 1 | 26 | 10 | +16 | 27 |
| 4 | ФК Беласица АД | 12 | 8 | 1 | 3 | 28 | 12 | +16 | 25 |
| 5 | ФК Скопје АД | 12 | 7 | 2 | 3 | 26 | 14 | +12 | 23 |
| 6 | ЗФК Новaци 2005 | 12 | 6 | 2 | 4 | 23 | 11 | +12 | 20 |
| 7 | ФК Детонит Плачковица | 12 | 5 | 5 | 2 | 17 | 9 | +8 | 20 |
| 8 | ФК Кожуф Гевгелија | 12 | 4 | 5 | 3 | 15 | 8 | +7 | 17 |
| 9 | ГФК Осогово | 12 | 5 | 2 | 5 | 17 | 12 | +5 | 17 |
| 10 | ФК Каменица Саса | 12 | 3 | 5 | 4 | 26 | 24 | +2 | 14 |
| 11 | ФК Тетекс 1953 | 12 | 4 | 1 | 7 | 19 | 24 | -5 | 13 |
| 12 | ФК Победа АД | 12 | 3 | 1 | 8 | 12 | 32 | -20 | 10 |
| 13 | ГФК Вардар Неготино | 12 | 3 | 1 | 8 | 18 | 39 | -21 | 10 |
| 14 | ФК Преспа | 12 | 3 | 0 | 9 | 14 | 29 | -15 | 9 |
| 15 | ФК Слога 1934 | 12 | 1 | 1 | 10 | 11 | 25 | -14 | 4 |
| 16 | ФК Големо Коњари | 12 | 1 | 0 | 11 | 6 | 43 | -37 | 3 |
