Фудбалерите на Шкендија добија непријатни вести пред важниот дуел со полската Јагјелонија во Конференциската лига.
Еден од клучните играчи во офанзивата, Ване Крстевски, заработи фрактура на клучната коска со дислокација – сериозна повреда која ќе бара хируршка интервенција и подолг период на опоравување.
Со тоа, есенската полусезона за Крстевски е завршена, а неговото враќање на терен ќе зависи од текот на операцијата и процесот на рехабилитација.
Од тетовскиот клуб информираат дека тимот веќе работи на адаптација на напаѓачката линија, а воедно пристигнуваат и нешто подобри вести од медицинскиот билтен. Имено, голманот Астрит Амзаи по проблемите со грбот повторно почна со лесни тренинзи под надзор на медицинскиот персонал. Тој се очекува да ја добие конечната проценка за настап по утрешниот тренинг, кога ќе биде познато дали ќе биде подготвен за натпреварување.
Иако тимот од Тетово ќе биде ослабен без Крстевски, атмосферата во редовите на шампионот останува борбена и насочена кон тоа да се заврши полусезоната со позитивен резултат и достоинствен настап на европската сцена.
