Утре се играат натпреварите од вонредното 10. коло на Трета лига – Север, а веќе се делегирани и судиите кои ќе ја делат правдата на истите.
Беса Сарај дома ќе игра со Еуромилк ГЛ, а Ненад Тодоровски ќе биде главен судија на овој меч со Иван Ивановиќ и Мартин Дувњак.
Бобан Јовановски ќе дели правда на мечот меѓу Беса од Слупчане и БВК Коњаре, а негови помошници ќе бидат Филип Тодоровски и Александар Здравковски.
Куманово на домашен терен го очекува неизвесен меч со Ржаничино, а Борче Павловиќ ја доби довербата да биде главен судија на овој меч, а ќе му асистираат Бојан Иваноски и Филип Николов.
Дербито на колото меѓу Пчиња и Аеродром го доби Виктор Спасовски, а негови помошници ќе бидат Александар Ѓорѓиевски и Кристијан Крстев.
Студеничани ќе игра со Лопати во натпревар каде делител на правдата ќе биде Стојанче Колев, со неговите помошници Кристијан Лазески и Александар Атанасовски.
Фортуна ќе биде домаќин на Башкими Љуботен, а главен судија ќе биде Никола Петковски, додека пак негови помошници ќе му бидат Денис Стојковиќ и Станко Митровиќ.
Дејан Младеновски го доби натпреварот меѓу Кадино и Отља, а негови асистенти ќе бидат Горан Милошевски и Христијан Стојанчевски.
Сите седум натпревари од вонредното 10. коло ќе започнат во 14 часот.
