Денес, во рамки на 10. коло од Супер лигата, се одигра и натпреварот помеѓу екипата на Алкалоид и Струга во Автокоманда, каде Алкалоид ја оправда улогата на фаворит и славеше убедливо против Струга.
Стружани се држеа само во првите десетина минути, но домашниот тим брзо ги искористи нивните грешки и на полувреме имаше предност од 20-13. Во второто полувреме Алкалоид го зголеми водството на 24-13 во првите пет минути, за на крајот да слави со убедливи 44-27.
Исто така, треба да се истакне дека македонскиот репрезентативец Марко Митев се врати на терените по долгата пауза по повредата на лигаментите, постигнувајќи два гола и две асистенции.
Најдобри стрелци кај победниците беа Ѓорговски со седум и Стојковиќ со шест гола, а кај гостите Маџдуб постигна седум.
Следното коло Алкалоид ќе гостува кај Вардар, додека Струга ќе игра дома против Еурофарм Пелистер 2.
