Дебитантот во Првата футсал лига стигна до првата историска победа како прволигаш откако славеше на домашен терен со 7:5 над штипски Мал Ајакс, во рамки на 2. коло, а во дерби меч на двата лански второлигаши.
Ерол Далип го отвори резултатот уште во првата минута, но веднаш по неколку секунди погоди Ангел Белчовски за 1:1.
До крајот на првиот дел резултатот беше 4:3, а во вториот дел во неизвесен меч Балкан го доби Мал Ајакс со конечни 7:5.
Во листата на стрелци за домашниот тим се запишаа Имер Ќамил, Пајтим Реџепи и Јусус Сулејмани, а пак Ибрахим Алији постигна хет-трик. За тимот од Штип Белчовски беше двоен стрелец, како и Иса Дурмишов, а еден гол постига Саше Соколов.
