Осмото коло во Трета лига – Југ донесе минимална победа за Превалец над Тополка од 1:0, а мечот го реши Пеце Стојанов.
Венец со голот на Јован Лембовски ги освои трите бодови во мечот против Башкими од Јаболчиште со 0:1, па така бодовите заминаа на контото на тимот од Долни Дисан.
Питу Гули забележа убедлива победа од 3:0 над Влазними Јуниор откако Филип Кукески во 8. минута го отвори резултатот, а пак Оливер Велевски во 44. минута погоди за 2:0 на полувреме.
Во вториот дел Адмир Угњанин погоди во 81. минута за конечни 3:0 со што трите бодови остана дома.
Ултрас преку пресврт со 1:4 славеше на гостувањето кај Млекар. Домаќинот преку Виктор Јованоски во 6. минута го отвори резултатот, но гостинот од 24. минута имаше веќе 1:2 со погодоците на Бобан Тошески и Даниел Богојески. Во вториот дел со двата гола на Христијан Баракоски стигна до конечни 1:4.
Младост на домашниот терен во Кривогаштани го доби Бучин со 3:1. Мартин Деркоски беше двоен стрелец за домаќинот, а гол даде и Андреј Бунески. Во вториот дел Бојан Мицески погоди за ублажување на поразот.
Ланскиот второлигаш Борец со 2:5 славеше на гостувањето кај Дреново и така ги обезбеди трите бодови во меч на тотална доминација. Херој на мечот беше Теодор Мирчевски со постигнати четири погодоци, а пак еден гол постигна Филип Ефтовски.
За домашниот тим погодија во вториот дел Ернес Амедоски и Никола Арсов.
