Македонската репрезентација до 15 година запиша победа против Косово на отворањето на развојниот турнир во Албанија. На турнирот учествуваат и селекциите на Албанија и Ерменија.
Селекцијата предводена од Горан Станковски со 1:0 славеше на денешниот натпревар. Фисник Амити во 52. минута го даде голот за Македонија. Победата, иако минимална е потполно заслужена. Нашата талентирана репрезентација имаше повеќе од играта и шансите, забележавме неколку добри удари кон противничкиот гол, но искористивме само една. По центаршут од корнер, реализираше Амити.
На 31. октомври ќе се соочиме со домашната, Албанија, а на 3. ноември ќе одиграме натпревар против Ерменија.
Селекторот Станковски натпреварот го започна во следниот состав: Марио Стојковски, Хамза Зубери, Ејман емини, Дин Рожајац, Калин Аврамовски, Фисник Амити, Васко трајков, Стефан Стојановски, Виган Таири, Доротеј Христов, Јован Јанчевски; Замени: Огнен Божиновски, Андреја Блажев, филип Богоевски, Ариан Исаку, диар Ајрулау, Амар Незири, Дијар Алиу, Борис Матески, Јован Даноски, Драган Петков, Павел Димоски;
