Шесттото коло од Трета лига – Запад беше отворено вчера со четири натпревари, а ќе се комплетира денес со два наптревари.
Ланскиот второлигаш Тетекс во Боговиње со 0:2 славеше над Дрита во меч каде Ерјон Елмази со два гола во 75. и 94. минута обезбеди победа за „штофарите“ од Тетово.
Љуботен со голот на Јакуп Касами во 80. минута дојде до победа над Речица од минимални 1:0.
Ланскиот шампион Влазерими кој не го помина баражот за Втора лига запиша висока и убедлива победа во дербито со некогашниот прволигаш Напредок од Кичево со резултат од 1:4.
Во првиот дел мрежите мируваа, а во второто полувреме гостинот постигна четири погодоци. Најпрво Имери во 49. минута погоди за 0:1, а потоа Елези во 52. минута зголеми веќе на 0:2.
По три минути игра Адили постигна гол за 0:3, а во 57. минута Елези со втор гол обезбеди 0:4.
Во 81. минута Мирчески постигна утешен гол за домаќинот за конечни 1:4.
Ренова на домашен терен загуби во меч со седум гола од Кајмани за конечни 2:5.
Во првиот дел паднаа по еден гол на двете страни. Османи постигна гол за 0:1, а пак Саити за 1:1. Во вториотдел Берзани во 63. и 70. минута погоди за 1:3. Во 78. минута од средбата во Џепчишти Ќамили намали на 2:3, а до крајот Берзати со два гола ги постави конечните 2:5.
Денес Доброшти ќе биде домаќин на Зајази, а ак Вардар Брвеница ќе го пречека Велазерими од Слатино.
