Лидерот Брегалница се „сопна“ во Радовиш откако одигра 1:1 против Детонит Плачковица и со тоа го загуби лидерското место во Втората лига.
Во рамки на 8. коло во дербито на Истокот кое се играше во Радовиш, Оливер Христов во 96. минута ги расплака штипските „сини“ со гол за 1:1, откако претходно во 57. минуа гол даде Давид Калпачки, во меч со 11 жолти картони.
Новаци и Башкими одиграа 0:0, а пак Македонија ЃП на „Железарница“ со голот на Алексеј Славков дојде до минимална победа од 0:1 над Скопје со што „лавовите“ сега се лидери на табелата.
Вардар Неготино влезе во резултатска криза откако во Струмица загуби од прилепска Победа со резултат од 1:2 со што Дунимаглоски со триумф дебитираше на тренерското столче кај прилепскиот второлигаш.
Крстев во 4. минута погоди за 1:0, а до крајот на првиот дел Спиркоски и Талески погодија за конечни 1:2, откако во вториот дел немаше голови.
Беласица со голот на Зак Кочанковски конечно стигна до првата сезонсак победа откако со минимални 0:1 славеше над Вардарски во Богданци во дербито за прва сезонска победа на двете екипи.
Осогово на домашен терен беше поразен со 1:2 од Арсими. Гостинот преку Зеќири имаше 0:1 на полувреме. Во вториот дел Љиварека постигна гол за 1:1, а потоа Рамадани биеше за конечни 1:2.
Кожуф со погодоци на Ѓорѓиески и Сарески дојде до триумф од 2:0 над Борец, со што велешани ја продолжуваат резултатска криза и се наоѓаат во опасната зона за испаѓање во Трета лига.
Каменица Саса на домашен терен загуби од Охрид со 1:2 со што охриѓани влегуваат во одлична победничка серија за четири од четири.
Димоски си постигна автогол, а Охрид имаше 0:1 на полуврме. Во вториот дел Чурлинов погоди за 1:1, а пота во 80. минута Сашо Дуков постигна гол против својот поранешен клуб за победа на Охрид од 1:2.
