Европската ракометна федерација ги назначи официјалните судии за петтото коло од Лигата на шампионите, а вниманието е насочено кон дуелот на македонскиот првак Еурофарм Пелистер со каталонскиот великан Барселона.
По претходните гостувања во Скопје и дуелите со Вардар и Металург, Барселона за првпат ќе гостува во Битола, а средбата ќе ја водат турските арбитри Курсад Ердоган и Ибрахим Оздениз, додека делегат на натпреварот ќе биде Италијанецот Марко Тоси Бранди.
Мечот помеѓу овие две европски екипи е закажан за вечерва, со почеток во 20:45 часот, во спортската сала „Боро Чурлевски“, каде што битолчани ќе имаат шанса да уживаат во моќен ракомет одблизу и да ги поддржат своите фаворити на домашен терен.
