Македонската футсал А репрезентација на Македонија ќе одигра два контролни натпревара против селекцијата на Црна Гора, во рамки на подготовките за претстојните предквалификации за Светското првенство.
Двата дуела ќе се одиграат во Спортскиот центар „Игало“, на 15 и 16 октомври.
Првиот натпревар е закажан за вторник (15 октомври) со почеток во 18:00 часот, додека вториот меч ќе се одигра во среда (16 октомври) од 17:00 часот.
Селекторот Газмен Исеини објави список од 13 фудбалери на кои ќе смета за овие пријателски средби:
Антонио Петровски (КМФ Проект), Иван Стојановски (КМФ Кеги), Таулант Исмаили (Форца), Иван Крстевски (Форца), Марио Благоевски (Проект), Берат Рамадани (Форца), Димитар Јанев (Проект), Стефан Димовски (КМФ Кеги Моби), Никола Анчевски (Проект), Бојан Јанев (Проект), Јакуп Рамадани (Дреница – Косово), Еркан Сефери (Форца) и Армандо Алијевиќ (Јувентус Серава).
Контролните натпревари со Црна Гора ќе бидат проверка за селекторот Исеини и можност да се тестираат различни комбинации во составот пред стартот на квалификациите за Светското првенство.
Македонија со овие средби ќе се обиде да ја задржи позитивната форма и да изгради уште поголема компактност во тимот, со цел успешен настап во претстојните официјални натпревари.
