Натпреварите од шестото коло на Трета лига – Југ ќе се одиграат утре, а веќе се познати официјалните лица за истите.
Александар Ѓорѓиевски ќе им суди на Беса од Сарај и Ржаничино, а ќе му помагаат Бобан Јовановски и Александар Нешковски. Делегат ќе биде Слободан Наумовски, а контролор Илија Недески.
Дерби соочувањето меѓу БВК Коњаре и Аеродром го доби Никола Петкоски, а негови помошници ќе бидат Мартин Петкоски и Александар Ѓурковски.
Делегат ќе биде Марјанчо Андрески, а контролор Љупчо Павловиќ.
Еуромилк ГЛ како голем фаворит дома ќе игра со Лопати, а за правдата ќе бидат задолжени Методија Ставров и неговите помошници Теодора Крстевска и Анастасија Брајковска. Делегат на средбата ќе биде Горан Готиќ.
Во Слупчане каде ќе играат Беса и Башкими Љуботен правдата ќе ја дели Мартин Дувљак, а ќе му помагаат Бојан Божиноски и Кристијан Крстев. Делегат на средбата ќе биде Љупчо Доневски.
Фуркан Фетаху ќе им суди на Куманово и Отља, а негови асистенти ќе бидат Валтон Маличи и Иљаз Рамадани. Делегат на средбата која се игра во Доброшане ќе биде Зејнула Мустафи.
Дејан Младеновски ќе им суди на Пчиња и Кадино, а негови помошници ќе бидат Христијан Стојанчевски и Енес Оскакач. Енис Исмаиљи ќе биде делегат, а пак Марјан Томовски ќе биде контролор.
Студеничани и Фортуна ќе се соочат во мечот од 6. коло, а за правдата ќе биде задолжен Александар Василевски. Филип Николов и Матеј Спасевски ќе бидат помошници.
Делегат ќе биде Сашо Рајтоски, а пак контролор ќе биде Душко Наунчевски.
