Победа Валандово гази се пред себе, ефикасно реми на „Кукуш“, Ударник го освои Свети Николе!

Денес се одиграа натпреварите од петтото коло во Третата македонска фудбалска лига – Исток. Лидерот Победа од Валандово продолжи со максимален учинок, откако со минимални 0:1 славеше во Пробиштип над екипата на Рудар. Единствениот погодок на натпреварот го постигна Никола Костадинов, кој му донесе нови три бода на тимот од Валандово, кој останува перфектен по пет одиграни кола.

Изненадување се случи во Свети Николе, каде Овче Поле доживеа домашен пораз од Ударник Пирава со 1:2. Гостите поведоа во 44. минута преку Јовче Крстев, а на стартот од вториот дел Адријан Спасиќ зголеми на 0:2. Единствениот погодок за Овче Поле го постигна Тоше Манов во 90. минута од пенал.

Брегалница од Делчево славеше убедливо со 0:3 на гостувањето кај Дојранско Езеро. Јован Дојчинов го отвори резултатот уште во 6. минута, а во второто полувреме Мартин Вучковски и Матеј Ѓорѓиев ги поставија конечните 0:3.

Малеш конечно се израдува на први сезонски бодови, откако на домашен терен убедливо ја совлада Струмичка Тиверија. Ерол Пилов беше двоен стрелец, додека Михаиел Гошевски и Бојан Мичковски додадоа по еден погодок, а автогол си постигна Виктор Андреевски.

Во можеби највозбудливиот натпревар од колото, меѓу Хоризонт Турново и Карбинци, немаше победник – двете екипи одиграа 3:3. За домашните погодија Дејан Блажевски и двапати Димче Јовов, додека за гостите двоен стрелец беше Марио Атансовски, а еден гол постигна Христијан Крстов.

Во рамки на 5. коло слободна беше екипата на Светлост од Зрновци.