Тренерот на Осогово, Крсте Крстев, по минималниот триумф од 0:1 на гостувањето во Виница против Слога, со голот на Драган Паунов во меч од 7. коло од Втората лига, ја сподели својата искрена реакција по натпреварот.
Искусниот стратег, кој има минато и во редовите на Слога, истакна дека има голема почит кон поранешниот клуб, но нагласи дека за Осогово вистинските дерби натпревари се со други ривали.
„Слога и Виница се дел од моето прекрасно минато каде од дното на трета лига стигнавме до врвот на втора лига. Јас кога бев во Слога натпреварите со Осогово секогаш беа дерби, но за Осогово со Слога никогаш не биле ниту ќе бидат дерби бидејќи за Осогово од секогаш било дерби со Брегалница, Пелистер и Вардар. Целта ја постигнавме веќе сме насочени на следниот натпревар, а на Слога и Виница им посакувам подобро бидејќи го заслужуваат,“ изјави Крстев.
