Македонските арбитри уште еднаш добија висока оценка на европската сцена. Судиската четворка предводена од Игор Стојчевски беше делегирана да ја дели правдата на натпреварот од 1. коло од Конференциската лига на УЕФА меѓу Јагиелонија Бјалисток (Полска) и Хамрун Спартанс (Малта).
Стојчевски ја имаше улогата на главен судија, а му помагаа Гоце Петрески и Дарко Видиниќ, додека Фатмир Бафто беше назначен како четврти судија.
Натпреварот, кој се одигра пред околу 18.000 гледачи, беше тежок и динамичен, но македонските арбитри одлично се снајдоа во секој момент на чело со главниот судија Игор Стојчевски. Одличното судење остави добар впечаток кај еден од врвни судии на своето време Џунејт Чакар, а сега еден од најдобрите контролори.
Европската фудбалска вечер во Полска помина со врвно судење и професионален пристап на македонската судиска четворка, која со ова уште еднаш го потврди високото ниво на доверба што ужива од страна на УЕФА.
