Голманот на Осогово, Ѓорѓи Јованоски, се запиша во историјата на клубот од Кочани откако стигна до бројката од 100 официјални настапи.
29-годишниот чувар на мрежата е еден од најстандардните фудбалери во составот и од денеска влегува во друштвото на играчи кои оставиле значаен белег во второлигашот.
„Кога срцето чува повеќе од гол – 100 натпревари за ГФК Осогово!“, објавија од клубот по повод јубилејот.
Јованоски пристигна во Осогово во јули 2023 година од редовите на Слога Виница, а претходно беше дел и од Победа, Големо Коњари, Беласица и матичниот клуб 11 Октомври.
Ова е негов втор престој во кочанскиот клуб – првиот пат бранеше од август 2018 до октомври 2019 година, пред да се пресели во Слога Виница.
