ТАБЕЛА: Љуботен е најдобриот тим во ПЖФЛ, Кочани е на дното, Вардар се прилагодува на елитата!

По шест кола во Првата женска фудбалска лига време е за првата посериозна лупа и детален преглед на самата табела. Љуботен успешно чекори кон одбраната на титулата, а тимот од Тетово веќе има максимални 18 бодови на своето конто, а притоа го има најдобриот напад со 30 постигнати погодоци и само два примени со што ја има најдобрата одбрана.

Скопје е втор со 15 бодови, а пак Ас Јунајтед од Струга е на третата позиција со 13 бодови на своето конто, додека пак Тиверија Брера има 12 бодови и се наоѓа на четвртото место.

Истатов е на петтото место со девет бодови и втор најдобар напад кој реализирал 22 погодоци, а пак Каменица Саса која има ист број на бодови се наоѓа на шестото место. Веднаш пресек на табелата на екипите кои ќе водат тешка борба за опстанок во елитата.

Топ Гол е на седмата позиција со четири бодови, а толку има и Вардар, Речица е претпоследна или во бараж зоната за опстанок со три бодови, а на дното е Кочани со само еден освоен бод.

Љуботен има шест од шест, а Кочани е единствениот тим кој не се израдувал на победа, шампионот Љуботен е единствениот тим кој нема пораз, а пак Топ Гол, Вардар и Речица имаат најмалку победи – само една.

Љуботен е статистички најдобар тим по шест кола во фудбалската елита на Македонија во женска конкуренција, а Каменица Саса засега разочара на стартот од новата сезона, пред се затоа што во Македонска Каменица се градеше тим за титула.