Следниот викенд на 19. октомври ќе започне новата сезона од Првата машка одбојкарска лига на Македонија со натпреварите од првото воведно коло.
Во новата сезона ќе се натпреваруваат 13 екипи, а во рамки на првото коло актуелниот шампион Струга одбраната на титулата ја започнува на домашен терен против Лирија, освојувачот на Купот на Македонија, екипата на Штип УГД сезоната ја отвара на домашен терен против Универзитет Тетово.
Скопје ќе биде домаќин на Македонија Џио, Борец ќе го пречека составот на Сушево, а пак Весна Пробиштип ќе игра со Шкендија од Тетово. Вардар на домашен терен ќе игра со екипата на Работнички.
Во рамки на првото коло слободна ќе биде екипата на Јанта Волеј.
