Новиот второлигаш Големо Коњари договори уште две засилувања – се работи за Мартин Богески и Гоце Кузманоски.
26-годишниот Богески кој игра на стоперската позиција доаѓа од редовите на третолигашот Младост од Кривогаштани, а претходно настапуваше за Борец и прилепска Победа од каде и потекнува.
Кузманоски е 16-годишен фудбалски талент на прилепска Победа, млад фудбалер со голем потенцијал, а кој сега ќе го облече дресот на Големо Коњари.
Новата сезона екипата на Големо Коњари ја отвара против Детонит Плачковица на домашен терен, а истата започнува на 23 август.
