Најдобриот стрелец во историјат на македонскиот фудбал, Бесарт Ибраими одново сезонава ќе конкурира за најдобар стрелец во лигата, а тоа го најави уште на првиот меч од новата сезона.
Искусниот голгетер на воведниот натпревар од сезоната која започна во петокот постигна два погодоци во мрежата на Шкупи, за убедлива победа на неговата Шкендија од 5:1.
38-годишниот Ибраими во неговата кариера шест пати ја има освоено шампионската титула во мак-фудбалот, четири пати со Шкендија и двапати со Струга Трим Лум, а во сезона 2015/2016 со Шкендија го освои и Купот на Македонија.
Во сезона 2015/2016 Ибраими постигна фантастични 25 погодоци, во сезона 2016/2017 имаше 20 погоди, а пак во сезона 2017/2018 постигна 22 гола.
Искусниот Ибраими во 2021/2022 беше стрелец на 24 погодоци, во сезона 2022/2023 постигна 19 гола, а минатата сезона 2024/2025 постигна 15 гола.
Во својата кариера Ибраими настапуваше за Влазрими и Напредок од неговото родно Кичево, Шалке 04 во Германија, потоа за Севастопол, Таврија Симферопол и Металург Запорожје од Украина, Еноссис Неон Паралимни и Ермис Арадипу од Кипар, Ксанти од Грција, а во македонскиот шампионат беше дел и од Струга Трим Лум и Шкендија за која моментално настапува.
На стартот од сезоната покрај Ибраими два погола постигна и Димитар Данев од Вардар.
