Денес на градскиот стадион во Валандово се одигра пријателски меч меѓу третолигашот Победа и второлигашот Кожуф, а кој тест меч заврши со триумф за тимот од Гевгелија, предводен од штипскиот тренер Иван Варадиновски со резултат од 0:2.
Кожуф играше во комбиниран состав со цел Варадиновски да ја провери формата на сите играчи со кои располага. Победа која е повратник во Трета лига – Исток игра со значително млада екипа, која покажа борбеност и желба на теренот, со што тимот од Валандово продолжува со напорна работа за максимално подготвен да влезе во новата сезона.
Кожуф новата сезона во Втората лига ја отвара во Штип против Брегалница, а истата започнува на 23 август.
Двете екипи ќе одиграат уште неколку пријателски натпревари до почетокот на новата сезона.
