Ракометниот суперлигаш Радовиш денес ги започна подготовките за новата натпреварувачка сезона 2025/2026 со една цел – директен и сигурен опстанок во суперлигашкото друштво.
Под водство на младиот стратег Александар Долдуров денес беше првиот собир на ракометарите во СРЦ „25 Мај“ со што беше одржан и првиот тренинг, а со тоа и официјално започнуваат летните подготовки.
Клубот има неколку нови засилување – Мартин Димов, Илија Табаков, Филип Сиљанов, голманот Даниел Ацев и Бобан Каковски.
Радовишани ќе одиграа и неколку пријателски натпревари за брусење на формата, а како противници веќе се договорени Текстилец од Штип и Младост од Богданци, а дополнително ќе бидат договорени и уште неколку противници за проверка на формата.
Новата сезона стартува на 6 септември, а екипата на Радовиш во рамки на првото коло ќе ги одмери силите со Куманово на гостински терен.
