Младата тениска репрезентација на Македонија до 18 години го започнува настапот на престижниот европски турнир „Tennis Europe Summer Cups“, кој оваа недела се одржува во Карловац, Хрватска.
Македонскиот национален тим, предводен од селекторот Круно Деспотовски, настапува во состав: Амар Хусеиновиќ, Кристијан Јанев и Ерион Незири. По кратките подготовки, нашите млади тенисери се подготвени да се соочат со најдобрите селекции од Европа.
Во зоната во која се натпреварува Македонија, се наоѓаат уште и репрезентациите на Финска, Грција, Италија, Србија, Шведска и домаќинот Хрватска.
Во првото коло, Македонија ќе се соочи со селекцијата на Грција. Во сингл мечевите ќе настапат Кристијан Јанев и Ерион Незири, додека во мечот во двојки ќе играат Јанев и Хусеиновиќ.
