Екипата на Детонит Плачковица од Радовиш претстави ново засилување, станува збор за Никола Сарески, кој доаѓа од редовите на Кожуф од Гевгелија.
20-годишното лево крило од Тетово треба да биде вистинско освежување во редовите на Детонит Плачковица, кој и во новата сезона ќе го води искусниот Горан Здравков.
Сарески започна во Љуботен, беше дел од Тетекс, настапуваше и за Победа од Прилеп.
Претходно, како што веќе објави Спортска Мрежа екипата на Детонит Плачковица се засили со Сашко Дуков, Филип Ѓорѓиевски, Мартин Мисердовски, Јасин Казимоски, повратникот Стефан Бабунски и младиот Тино Спасиќ.
