Денес се одиграа натпреварите од петтото коло на Трета лига – Југ. Башкими 2008 на домашен терен имаше тежок меч против тимот на Превалец, каде немаше победник и немаше погодоци, исходот беше реми (0:0). Двете екипи беа со желба за победа, со шанси кои не ги реализираа, па ремито можеби и беше најреален исход.
Влазними Јуниор го пречека Бучин, во меч каде гостинот ја бара првата сезонска победа, а исходот од истиот овој меч беше триумф токму за гостинот од 1:3. Мемедоски погоди за домашниот тим за водство, а потоа гостинот преку пресврт дојде до триумф, откако Колчакоски погоди за 1:1, а Евтимџиоски со два гола сврте на конечни 1:3 пред крајот на првиот дел, откако во второто полувреме немаше погодоци.
Дреново на домашен терен го пречека тимот на Младост од Кривогаштани каде гостинот однесе минимална победа од 0:1 со автоголот на Ѓоке Ангелов во 66. минута.
Дербито на колото се играше во Крушево каде се соочија поранешните второлигаши Питу Гули и Росоман, натпреварот беше решен со голот на Стефан Костовски, кој погоди во 7. минута за минимални 0:1.
Големо Коњари на домашен терен однесе лото победа од 7:0 над Обршани, во меч на тотална доминација и одлична игра. Најдобриот стрелец Виктор Тошески постигна хет-трик, а по еден гол постигнаа Божиноски, Костески, Сркески и Бешовски.
Слога на домашен терен доживеа дебакл од Венес со резултат од 2:6, откако гостинот беше пресилен противник. Петар Ристовски постина хет-трик, а по еден гол постигнаа Димитриевиќ и Илов. За домашниот тим двоен стрелец во вториот дел беше Емир Каришиќ.
