Успешно заврши четвртото издание на турнирот во мал фудбал „Малеш Куп 2025“ кој се одржува во Берово.
Спортска Мрежа уште од првото издание во 2022 година воспостави соработка и стана медиумски покровител на овој турнир кој дефинитивно важи за еден од најдобро организараните со богата програма предвидена за секоја вечер.
Синоќа се одигра натпреварот за трето место и големото финале.
МЕГА ФОТО ГАЛЕРИЈА НА ОВОЈ ЛИНК
Во мечот за трето место екипата на PUB Делчево Монополо со резултат од 2:0 го доби мечот со ДЕУТЗ Вих Двориште. Овој меч тргна одлично со иницијатива кај екипата од Делчево, која откако го отвори резултатот лесно дојде и до втор погодок и посигурно го водеше мечот со што стигна до третото место.
Во големото финале се соочи Еклектик и ОФК Карбинци Алфи, можеби малкумина ќе веруваа во седумте погодоци, но и тоа се случи, па публиката уживаше од првата до последната минута.
Еклектик го освои „Малеш Куп 2025“ откако со 4:3 славеше во големото финале.
Мечот тргна одлично со шанси и на двете страни и двете екипи имаа свои моменти, а погодокот на Еклектик предизвика ерупција на трибините. Еклектик имаше висока предност, а при 4:1 тимот на ОФК Карбинци Алфи дојде во самиот финиш на 4:3 и тоа предизвика „хаос“ и неизвесност кај публиката, но Еклектик одлично се одбрани од налетот на противникот и така стигна до шампионскиот трон на „Малеш Куп 2025“ – шампионскиот пехар останува во Берово.
Најдобар голман на турнирот беше прогласен Филип Гигов, најдобар стрелец беше Кадри Амза, а пак за најдобар играш беше Тони Мичковски.
Најпеспективна и фер екипа е ОФК Малеш Постоловски, а пак ветеран играч е Фахрудин Мустафов.
