Синоќа се одиграа нови три натпревари од осминафиналето на турнирот во мал фудбал „Ораовица 2025“.
Екипата на Фурна Марфи одигра фантастичен меч со тотална доминација на теренот и повеќе од заслужено се чекираше во четвртфиналето, откако со „лото“ победа од 7:1 го декласираше составот на Ситф Компани.
До лесен триумф и следна фаза стигна и тимот на IL MA Montage откако со 3:0 ја совлада екипата на Црна Река од Кавадарци.
Екипата на Тобако Лени Плус со 6:3 го декласираше тимот на Мена Транс и заслужено се најде во четвртфиналето.
Спортска Мрежа е медиумски покровител на овој спортски настан, а утре следуваат нови возбудувања.
