Искусниот голман Александар Игески ќе има нов предизвик во неговата професионална кариера, откако тој замина од второлигашот Скопје.
Според информациите на Спортска Мрежа 33-годишниот Игески ќе има нов клуб во неговата богата професионална кариера, а веќе за него има интерес.
Искусниот голман дресот на Скопје го носеше во период од август 2023 година до јули 2025 година и беше клучен играч во тимот од Автокоманда.
Игески низ својата кариера покрај за Скопје, настапуваше и за Борец, Вардар, Тиквеш, Осогово, Гостивар, Беласица, Хоризонт Турново, Локомотива Бентоекспорт, Металург и 11-ти Октомври од каде и ја започна својата професионална кариера.
Во следниот период прилепчанецот ќе треба да ја одбере најдобрата понуда за продолжува на неговата кариера.
