Фудбалската федерација на Македонија информираше дека е започнат процесот на пријавување за учество во повеќе категории:
-Регионалните лиги за петлиња (фудбалери родени во 2011 година)
– Регионалните лиги за помлади петлиња (фудбалери родени во 2012 година)
– ФФМ Детските лиги (фудбалери родени од 2013 до 2018 година, вкупно 6 категории)
Рокови за пријавување:
– Најдоцна до 27.07.2025 (недела) за регионалните лиги за петлиња и помлади петлиња
– Најдоцна до 06.08.2025 (среда) за ФФМ Детските лиги
По истекот на роковите ќе следи официјалната постапка за доставување документи и разгледување на апликациите од страна на клубовите кои ќе се пријават.
„Ги потсетуваме сите заинтересирани клубови и оние кои веќе учествувале, како и оние кои првпат сакаат да бидат дел од лигите да аплицираат најдоцна до наведените термини. Клубовите кои ги добиле потребните мејлови со информации и линкови за онлајн пријавување, нека ја пополнат пријавата навреме. Доколку некој клуб од било која причина не го добил мејлот, потребно е да испрати е-порака со интерес за учество на адресата: bojan.markovski@ffm.com.mk. По тоа, клубот ќе добие повратен мејл со сите потребни информации и инструкции за пријавување“, се вели во соопштението од ФФМ.
