И вечерва публиката во Ораовица имаше што да види – четири натпревари, вклучувајќи и еден во младинска конкуренција, со вкупно 32 гола и голема борбеност на теренот. Турнирот полека влегува во клучната фаза, а екипите покажуваат сè поголема желба за пласман понатаму.
- Резултати од среда, 23 јули:
ЖФК Изведен – ЖФК Серта Конче 5:2 (младинска категорија)
Младите фудбалерки на ЖФК Изведен блескаа на теренот и со сигурна игра ја совладаа екипата на ЖФК Серта Конче, најавувајќи дека женскиот фудбал во регионот има светла иднина.
Прналија – Ипа Струмица 3:4
Во неизвесен натпревар со многу шанси, Ипа Струмица успеа да стигне до минимална, но значајна победа над упорната екипа на Прналија.
Оливер Промет – Серта Конче 7:5
Натпревар со најмногу голови вечерва – вистинска фудбалска престава! Оливер Промет беше поефикасен во дуелот со Серта Конче, во меч кој го крена цел терен на нозе.
Дивино – Баџо Компани 5:1
Уште една доминантна партија на Дивино, кои со оваа победа најавуваат сериозна кандидатура за елиминациската фаза. Баџо Компани немаше одговор на притисокот на фаворитот.
Турнирот „Ораовица 2025“ продолжува со полн интензитет! Борбата за пласман во осминафиналето станува сè поинтересна, а публиката секоја вечер ужива во врвен фудбал.
Спортска Мрежа е медиумски покровител на овој спортски настан во Ораовица, Радовиш.
