Женскиот фудбалски клуб Каменица Саса експресно реагираше по известувањето од ФИФА за забрана за трансфери, поради неисплатен долг кон странска фудбалерка. По само два дена, клубот ја подмири обврската и успешно беше тргната блокадата, со што повторно има право на регистрација на нови фудбалерки.
ФИФА и натаму е децидна во ставот – пријавите за неисплатени договорени средства од страна на странски играчи или тренери се санкционираат со забрана за трансфери. Претходно со ваква мерка беа соочени Шкупи и Воска Спорт, а откако Шкупи ја среди ситуацијата, само охридскиот клуб остана на листата. Но, Воска Спорт е исфрлен од Прва во општинска лига.
ЖФК Каменица Саса, кој своевремено беше шампион на Македонија, покажа професионалност и сериозност со брзата реакција и ја заврши процедурата, па сега може слободно да регистрира нови фудбалерки.
