Повратникот во Втората лига екипата на Слога од Виница ќе одигра уште четири пријателски натпревари за темпирање на формата.
Еден веќе одигра на градскиот стадион во Виница, против Тетекс, а кој го доби со минимални 1:0 со голот на Михаил Воинов.
Пред тимот предводен од Емил Грнев ќе има уште четири теста. На 26 јули Слога Виница дома ќе игра со Кожуф, а пак на 1 август ќе се тестира со Каменица Саса во Македонска Каменица.
За 9 август е закажана контролка со третолигашот Победа Валандово, а пак на 19 август ќе следува генералката со штипска Брегалница во Штип.
Новата сезона во Втората лига започнува на 23 август.
