Турнирот во мал фудбал „Ораовица 2025“ влезе во својата најжешка фаза – вечерва се одиграа четири натпревари исполнети со емоции, пресврти и голови.
- Резултати од понеделник, 21 јули:
Оливер Промет – Еклер Транс Пепелиште 3:3 (пенали 4:1)
Возбудлив дуел во групата А! По ремито од 3:3 во регуларниот дел, Оливер Промет беа поуспешни во пенал-серијата и ги освоија дополнителните бодови.
Мена Транс – Ан-Са и Валаски 7:4
Екипата на Mena Trans конечно дојде до првата победа, во натпревар богат со голови и пресврти. Со оваа победа, тие се вратија во битката за пласман понатаму.
Црна Река – Бунарџик 6:1
Црна Река уште еднаш покажа дека е сериозен кандидат за висок пласман. Со убедлива победа над Бунарџик, тие се зацврстија на врвот на групата Г.
Фурна Марфи – Црна Река 3:1
Во дербито на вечерта, Фурна Марфи ја прекина серијата на Црна Река со одлична игра и победа која може да биде клучна во распределбата на позициите во групата.
„Ораовица 2025“ продолжува со врвен фудбал, полни трибини и исклучителна атмосфера! Секоја вечер носи нови приказни и борба за секој бод.
Спортска Мрежа ќе продолжи да ги следи сите натпревари, со ексклузивни извештаи, фотки и резултати.
