Фудбалскиот клуб ГФК Охрид ја потресе трагична вест – животот го загуби младиот фудбалер Анастас Каровски. Шеснаесетгодишното момче беше дел од младинската екипа, генерација 2009 година.
Клубот преку социјалните мрежи упати емотивна проштална порака до својот играч, изразувајќи сочувство и тага за загубата која ги погоди сите во охридскиот клуб.
Според неофицијални информации, Каровски загинал во сообраќајна несреќа што се случила во Охрид, но засега нема повеќе детали околу несреќата.
Фудбалската заедница и граѓаните на Охрид се во шок по загубата на младиот талентиран спортист.
