Женскиот ракомет во Македонија ќе влезе во нова ера – Управниот одбор на Ракометната федерација на Македонија донесе одлука од следната сезона (2025/26) натпреварувањата да се одвиваат во две лиги: Супер женска лига и Прва женска лига.
Со оваа реорганизација, се очекува да се подигне квалитетот на женскиот ракомет, да се создаде поконкурентна средина и да се овозможи подобро функционирање на клубовите во двете натпреварувачки рангови.
Во Суперлигата, која останува елитно натпреварување, ќе настапуваат осум екипи односно Ѓорче Петров (актуелен шампион и освојувач на двојната круна), Металург Автокоманда, Чаир, Куманово, Вардар, Астибо, Спартак и Пелистер.
Новоформираната Прва женска лига ќе брои седум екипи, и тоа Деспина, Овче Поле Славјански Универзитет, Ѓорче Петров 2 Стружанка, Шампион, Атлетик и Јехона.
Двата натпреварувачки ранга ќе се играат по двокружен бод-систем, а дополнително ќе бидат дефинирани пропозициите, системот на натпреварување, бројот на испаѓања и евентуални баражи.
Ждрепката за натпреварувачките броеви и дефинирањето на календарите ќе бидат закажани од страна на РФМ.
Оваа реформа е важен чекор за развој на женскиот ракомет во Македонија, а сите очекувања се дека ќе донесе поголема конкурентност и ќе отвори простор за развој на младите ракометарки.
