В недела ракометниот клуб Радовиш на домашен терен ќе се соочи Тиквеш во рамки на 6. рунда, меч каде домашниот тим ќе го бара првиот позитивен резултат односно прв сезонски триумф, а пак гостинот од Кавадарци во СРЦ „25 Мај“ доаѓа по второ сезонско славје и ќе бара излез од резултатската криза, бидејќи Тиквеш не тргна според посакуваното.
Ракометарот на Радовиш, Васе Петров, во изјава за Спортска Мрежа го најави мечот со кратка анализа, кој вели дека иако Тиквеш е во резултатска криза, тие и понатаму се претенденти за место во плеј-оф, па дури и за место во Европа, но со поддршка од публиката и верната навивачка група „Лебари“ Петров се надева на позитивен резултат, ако како што вели во изјавата за Спортска Мрежа, доколку одиграа цврста одбрана, а во нападот ги искористат своите шанси вели дека има на што да се надеваат.
- ИЗЈАВА НА ВАСЕ ПЕТРОВ ЗА СПОРТСКА МРЕЖА ПРЕД МЕЧОТ СО ТИКВЕШ ВО РАДОВИШ:
Пред стартот на овој меч Радовиш по пет кола е без бодови и е на дното од табелата, а пак Тиквеш има три бодови. Мечот во СРЦ „25 Мај“ ќе го судат Ѓорѓи Начевски и Славе Николов од Скопје, а пак делегат на натпреварот ќе биде Владимир Саздовски, исто така од Скопје. Стартот е закажан за во 18 часот.
