Македонскиот шампион Шкендија утре на Националната арена „Тодор Проески“ во Скопје го пречекува ТНС од Велс во реванш натпреварот од првото воведно коло на квалификациите за Лигата на шампионите.
Првиот меч заврши без победник, но и без погодоци (0:0), а тоа е одличен резултат за тетовскиот тим, кој веќе утре на домашен терен и со поддршка од публиката ќе бара позитивен резултат со цел да дојде до второто квалификациско коло.
Верните „Балисти“ вечерва излегоа низ улиците на Тетово со цел мобилизација и испраќање на порака дека секој е важен и утре да биде на трибината со цел да даде поддршка на Шкендија кон остварување на позитивен резултат за пласман во следната фаза.
