Турнир во мал фудбал „Петровденски турнир“ во Конче влегува во самата завршница. Во полуфиналните натпревари одиграни вечерва, екипата на Фреит Оне славеше над Фурна Марфи со 7:3, додека во „фенербахчевото“ дерби, Фенербахче Кичево беше поуспешен од Фенербахче Струмица со 8:5.
Во првиот меч Фреит Оне воопшто не дозволи момент да противникот се наметне, додека пак во вториот меч Фенербахче Кичево стигна до триумф вреден пласман во финалето, но налета на силен отпор од противникот.
Публиката која и вечерва даваше силна поддршка од трибините уживаше во допадлив фудбал, шанси и погодоци, за комплетно уживање во полуфиналната вечер.
- Финална вечер – недела, 13 јули:
21:00 часот Натпревар за 3. место: Фурна Марфи – Фенербахче Струмица
22:30 часот ГОЛЕМО ФИНАЛЕ: Фреит Оне – Фенербахче Кичево
Турнирот го организира ФК Серта, а публиката повторно ќе има можност за награди и изненадувања. Финалната вечер ветува вистински фудбалски спектакл под рефлектори во Конче!
Спортска Мрежа е медиумски покровител на овој спортски настан, а утре од големото финале ќе ви ја доловиме атмосферата со видео материјал.
