Младиот и перспективен фудбалер Лука Георгиев кариерата ќе ја продолжи во нова средина, откако реши да си замина од Брегалница по само една полусезона.
Георгиев во штипскиот второлигаш пристигна од редовите на Детонит Плачковица, за Брегалница настапуваше во пролетниот дел, а претходно есенскиот дел од минатата сезона во го помина во радовишкиот тим.
21-годишниот играч од среден ред има прволигашко искуство настапувајќи за Брера Струмица, а има настапувано и за Осогово од неговиот роден град Кочани.
Георгиев има и меѓународно искуство настапувајќи за екипата на TSV Havelse од Германија.
Тој е слободен агент и кариерата ќе ја продолжи во нова средина, а според информациите на Спортска Мрежа тој е на радарот на неколку екипи од македонскиот шампионат.
