Битолскиот прволигаш Пелистер предводен од новиот стратег Димитар Капинковски договори пет пријателски натпревари преку кои ќе ја темпира формата за новата сезона.
Првиот пријателски меч ќе се одигра во Битола на 12 јули против Струга Трим Лум. На 19 јули битолчани ќе одиграа меѓународен меч со Трајал Крушевац од Србија, меч кој ќе се игра во Битола.
На 22 јули ќе следува пријателски меч со Македонија ЃП, а овој натпревар ќе се одигра во Охрид или Битола. На 26 јули следува контролен натпревар против второлигашот Охрид, а ќе се игра во Битола.
„Генералката“ ќе се одигра на 29 јули, против Егалео од Грција, а овој меч ќе се игра во Охрид.
Новата сезона во Првата лига ќе започна на 8 август, а секое коло ќе се игра во три дена односно петок, сабота и недела.
