Тиквеш се засили со Бесир Рамадани

Прволигашот Тиквеш од Кавадарци за новата сезона се засили со Бесир Рамадани со што тимот предводен од Ѓорѓи Мојсов е посилен во дефанзивниот ред.

25-годишниот стопер во Кавадарци доаѓа од редовите на косовскиот прволигаш Гњилане, а низ својата кариера беше дел од Приштина, додека пак во Македонија настапуваше за Струга Трим Лум, Шкупи и Гостивар.

Со ангажманот на Рамадани, Тиквеш добива свежина и квалитет во своите редови за предизвиците во новата сезона, која ќе започне на 8 август.