Фудбалерите на АП Брера денеска го означија почетокот на подготовките за новата сезона во Првата македонска фудбалска лига. Под водство на тренерот Панче Стојанов, екипата од Струмица со полн интензитет влезе во првата фаза од предсезонските активности.
Стојанов, кој ја презеде клупата на струмичани во Април оваа година, останува на кормилото и во новата натпреварувачка сезона, со амбиција да изгради уште поконкурентен тим кој ќе биде сериозен ривал во домашното првенство.
Од клубот најавуваат и нови засилувања во следните денови, како и сериозна работа на создавање на тим кој ќе има потенцијал за повисок пласман во ПМФЛ сезонава.
