Судијата Дарко Радески е херојот на мечот од 3. коло на Трета лига -Запад меѓу Речица и Доброшти кој заврши со минимална победа од 0:1 за гостинот.
Во 51. минута од мечот кога младиот фудбалер на Речица, ја избиваше топката со глава падна незгодна на тревникот, а судијата Радески кој беше главен арбитар веднаш препозна дека станува збор за сериозна ситуација и го прекина мечот, трчаше до младиот фудбалер роден 2004 година со цел да му укаже веднаш помош, при што ставајќи го на страна, и потоа му го извадил голтнатиот јазик од грлото.
Радески за Спортска Мрежа даде кратка изјава по овој немил настан, кој за среќа заврши во најдобар ред.
„Фала му на Господ што навремено го забележав играчи дека изгуби свест и што бев во неговата близина и веднаш реагирав“, рече Радески за Спортска Мрежа.
Младиот фудблер на Речица е во добра здравствена состојба и се е во ред со него. Трите бодови заминаа на контото на Доброште, но најважно беше здравјето на младиот фудбалер.
