Поранешниот македонски репрезентативец Јани Урдинов и неговиот брат Александар Урдинов, поранешен фудбалер на Дојранско Езеро, продолжуваат со успешната кариера како фудбалски менаџери, овојпат со нови потписи во Чешка.
По зимскиот трансфер на младинскиот репрезентативец Рајан Бербери во Чешка, браќата Урдинови реализираа уште три значајни трансфери. Младиот напаѓач Круз Мбанга (19), кој доаѓа од англискиот Блекбурн Роверс, потпиша за чешкиот Слован Валвери, кој се натпреварува во третата чешка лига.
Во истиот клуб пристигна и Аднан Мурад, кој доаѓа од шпанската трета лига. И тој ќе ги брани боите на Слован Валвери во претстојната сезона.
Како посебен успех, треба да се издвои трансферот на камерунскиот интернационалец Жак Фокам Сандеу, кој од Слован Валвери премина во реномираниот чешки клуб Дукла Прага – чекор напред во неговата кариерна патека.
Со ова, браќата Урдинови уште еднаш ја потврдуваат својата способност и професионализам во светот на фудбалскиот менаџмент.
