Женскиот ракометен клуб Куманово го официјализираше првото летно засилување за новата сезона, ангажирајќи ја 26-годишната Португалка Маријана Да Силва Азеведо.
Станува збор за искусна ракометарка која може да настапува на сите три бековски позиции, што ја прави важен тактички адут за кумановскиот состав. Азеведо доаѓа од редовите на АЕК Атина, а претходно во својата кариера ги носеше дресовите на Маја, Алавариум, Мадеира, Пилаја, ПАОК и АЕК.
Со богато меѓународно искуство и техничка зрелост, португалската интернационалка ќе има клучна улога во борбата на Куманово за високи цели во македонската Суперлига.
Од клубот истакнуваат дека се очекува Азеведо да донесе квалитет и стабилност во бековската линија и да биде важен дел од тимот во престојната натпреварувачка сезона.
